Ekki skrítið, held að vítaspyrna Dananna hafi bara komið Þjóðverjunum í opna skjöldu

Fréttamaðurinn hér hefur ekki alveg vitað hvaða sporti hann var að lýsa :P

(Sjá texta undir mynd sem fylgdi frétt)

Öruggur sigur Dana - Ísland í þriðja sæti

Ekki eitthvað sem hægt er að vera sáttur við

Jafntefli gegn Egyptum er niðurstaðan. Alls ekki niðurstaða sem hægt er að sætta sig við og ekki sanngjörn niðurstaða miðað við gang leiksins.

 

Íslenska liðið er ekki í stuði eina einustu sekúndu leiksins og uppskera samkvæmt því. Hefðum unnið stórt ef liðið hefði verið að spila eins og það á að sér.

 

Breytingar sem ég hefði viljað sjá:
 Sigfús inn á völlinn miklu, miklu fyrr! Vörnin fór að ganga betur þegar hann kom loksins inn.
 Leikhlé um miðjan seinni hálfleikinn þegar ekkert gekk hjá okkur. Engin ástæða að geyma leikhlé upp á að við gætum kannski mögulega átt seinustu sókn, hvað þá að hún skipti máli vegna þess að við erum 4 mörkum undir. Leikhlé fyrr og smá ráðagerðir hefðu að mínu mati gert gæfumun.
 Öskra eins og djöfullinn af bekknum inn á vörnina enda alls ekki að standa sig.

En ég ætla ekki að neita við þessu eina (skitna) stigi sem við fengum en verð að viðurkenna að mér var farið að leiðast þetta endalausa tal þulsins á RÚV um hvað við myndum vera í góðri stöðu í 1-2 sæti ef við myndum vinna leikinn - Ef við vinnum, fínt. Ef við töpum, jafntefli eða hvað sem er, fínt líka. Við erum á Ólympíuleikunum í átta liða úrslitum - Þú átt ekki að geta lent á auðveldum mótherja, það verður bara að ráðast á og brjóta hann niður.

En það þarf aldrei að skora nema einu marki meira en andstæðingurinn. Eitt mark dugir ef andstæðingurinn skorar ekkert og því er mun mikilvægara að vörnin sé að skila sínu!

Aftur gerði Ísland jafntefli

Atvinnubílstjórar yfir lögin hafin?

Finnst þetta vera alveg fáránlegt, nú eru bílstjórarnir brjálaðir yfir því að þeir megi ekki brjóta lögin.

 

Gott hjá löggunni að hafa loksins gengið í það að sekta þá! Þeir eru að kvarta yfir því að geta ekki/varla lifað almennilegu lífi vegna hás eldsneytisverðs, hvernig ætli þeir hafi það ef það verður gert eins og á að gera og svipta þá ökuleyfinu og gera bílana upptæka?   Og í stað þess að vera að vinna þá ákveða þeir að leggja bílunum á miðjum aðalgötum bæjarins - Ekki alveg nógu mikil hugsun lögð í þetta þar á bæ.

 

Atvinnubílstjórarnir eru komnir í vonda klemmu hér en fyrst þeir byrjuðu á þessu þá mun það líta svo illa út ef þeir hætta núna við.. 

Mikill hiti í bílstjórum

Kemur það einhverjum á óvart?

Það skiptir auðvitað ekki máli hvort þú ert með eina eða báðar hendur lausar ef þú ert með hugann við annað en keyrsluna og að varast árekstur.

Finnst persónulega ótrúlegt að þessir vísindamenn séu bara að finna upp á þessu núna...

Handfrjáls búnaður eða ekki, samræðurnar skipta mestu máli við aksturinn

Ótrúlegt...

Fyrst af öllu þá er alveg ótrúlegt hversu mikið mál þarf að gera úr þessu...

"Ekki kemur fram á vefnum hver rekur vefsvæðið." .. Það kemur fram á svona... tjah... milljón stöðum? Ekki er heldur erfitt að fara á isnic.is og finna út hver skráði lénið, því það er mjög líklega eigandinn...

Svo er hægt að fara hingað og tilkynna torrent sem talið er að brjóti í bága við gildandi lög...

Spurning um að kynna sér málið áður en farið er með það til almenningsins?

Nauðgunarþjálfun á Netinu

Og hvað með þá...?

Og hvað með þá sem greinast ekki?

Fram kemur að líkurnar á því að lifa eftir greiningu krabbameins séu misjafnar miðað við ólíkar tegundir krabbameins, en að meðaltali eru 46,2% líkur á því að sjúklingur lifi í 10 ár að sögn stofnunarinnar.

Persónulega væri ég frekar til í að fá krabbamein og vita ekki af því en að fá það greint og þurfa að lifa lífinu á paranoju að ég sé að fara að deyja, eða lendi illa í því ef ég tek ekki lyfin 3svar á dag o.s.frv. En ef ég yrði greindur þá væri fínt að lenda í því um áttræðisaldurinn; Þá þarf maður hvort sem er að standa í þessu pilluveseni samkvæmt nútímanum og ég er alveg til í 46,2% líkur á að lifa í tíu ár í viðbót...

Bara smá pæling...

Þessi innsending er ekki meint á óviðeigandi hátt...

Lífslíkur þeirra sem greinast með krabbamein hafa tvöfaldast